Sumqayıt şəhərində yüksək patogen quş qripi xəstəliyinə görə epizootoloji monitorinqlər keçirilib. Bu haqda Qida Təhlükəsizliyi Agentliyi (AQTA) bu gün, 15 mart tarixində xəbər verib.

Cari ilin 28 fevral – 4 mart tarixlərində keçirilən monitorinqlər zamanı  Sumqayıt şəhərində sənaye əsaslı iri və kiçik həcmli quşçuluq müəssisəsində olan quşlardan laboratoriya müayinəsi üçün qan nümunələri götürülüb. Həmçinin, quş damlarına ümumi baxış keçirilib.
Quşçuluq təsərrüfatlarında kütləvi tələfata səbəb olan və böyük iqtisadi itki ilə nəticələnən yüksək patogen quş qripi xəstəliyi insanlar üçün təhlükə törədən zoonoz xəstəliyidir və ciddi epizootoloji risk kimi qiymətləndirilir.