“Avropa Birliyi Ukraynanın Rusiya ilə müharibədə uğur qazanmasına kömək etmək istəyirsə, sursat və ağır silahların istehsalını xeyli artırmalıdır”.
Sumqayit.tv xəbər verir ki, bunu Münhen Təhlükəsizlik Konfransının keçmiş sədri və alman diplomat Volfqanq İşinqer deyib.
Diplomat vurğulayıb ki, Ukraynanın tərəfdarları müharibə iqtisadiyyatını yaxşılaşdırmasalar, onların ehtiyatları tükənəcək: “Avropanın yenidən qurulmuş müharibə iqtisadiyyatına ehtiyacı var”.
Onun sözlərinə görə, Ukraynaya tanklar, raketlər, hava hücumundan müdafiə sistemləri və dronlar kimi ağır silahların tədarükü Aİ və üzv dövlətlərin hökumətləri tərəfindən idarə və koordinasiya edilməlidir.

“Ukrayna bir gündə bizim yarım ildə istehsal etdiyimiz sursat qədər atəş açmalıdır. Ehtiyatlarımız sona yaxınlaşır. Növbədə nə var?”, - İşinqer söyləyib.

Müəllif: Teleqraf.com