Fransa Prezidenti Emmanuel Makron rusiyalı həmkarı Vladimir Putinlə bu yaxınlarda danışmadığını açıqlayıb.
Sumqayit.tv xəbər verir ki, Makron İspaniyanın “El Pais” qəzetinə verdiyi müsahibədə son bir neçə həftə ərzində onunla danışmadığını deyib.
Jurnalist ona müharibənin əvvəlində “rusları aşağılamamaq” çağırışını xatırladıb. Bunun Versal müqaviləsinə istinad olub-olmadığını soruşub.
“Bəli, mütləq. İnsanları, coğrafiyanı dəyişə bilməzsən. Liderlər, ideyalar, layihələrlə mübarizə apara bilərsiniz. Bunu qətiyyətlə, qeyri-müəyyənlik olmadan edirik. Amma bilmək lazımdır ki, uzun tarixdə sizin qonşunuz olan insanlarla birgəyaşayış, sülhün bərqərar olması üçün yollar və vasitələr tapmalısınız. Bu, vaxtı gələndə olacaq. Müharibənin əvvəlində insanlar “Rusiyanı diz çökdürməliyik” deyəndə, mən insanları aşağılamamaqdan danışmışdım”, - Makron jurnalistə cavabında qeyd edib.
O vurğulayıb ki, Fransa Ukraynanın müqavimətinin tərəfindədir, amma dünya həmişə dialoq imkanlarını qoruyub saxlamalıdır.
/Teleqraf.com /