İran rejiminin nüvə silahı əldə etməməsi ilə bağlı ümumi konsensus var. Ortaq siyasətin işlənib hazırlanması və təhlükənin qarşısının alınması üçün birgə səylər barədə gözəl söhbətimiz oldu. Yenə deyirəm: İsrail əlindən gələni etməlidir ki, İranın nüvə silahı və onların çatdırılma vasitələri əldə etməsinin qarşısını alsın.
Sumqayit.tv xəbər verir ki, bunu İsrail Baş naziri Benyamin Netanyahu ABŞ Dövlət katibi Entoni Blinkenlə Qüdsdə keçirilən görüşdən sonra bildirib.
“Dünya bu rejimin öz xalqına qarşı vəhşiliyini gördü, öz sərhədlərindən və Yaxın Şərqdən kənara necə zorakılıq ixrac etdiyini gördü”, - Netanyahu qeyd edib.