Ümumdünya Səhiyyə Təşkilatı (ÜST) Türkiyədəki zəlzələ ilə bağlı fövqəladə vəziyyət elan edib.
Sumqayit.tv xəbər verir ki, bu barədə “TRT Haber” məlumat yayıb.
Bildirilib ki, “3-cü səviyyəli fövqəladə vəziyyət” rejimi tətbiq olunub. Bu, ən yüksək fövqəladə vəziyyət hesab olunur və ÜST-ün bütün təşkilat miqyasında resurslarını səfərbər etməsini özündə ehtiva edir.
Xatırladaq ki, fevralın 6-da yerli vaxtla saat 4:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ qeydə alınıb. Təbii fəlakət zamanı ölənlərin sayı 6957 nəfərə çatıb. Son məlumatlara görə, yaralı sayı 38 224 nəfərdir.