Mehdi Hüseynzadə adına Sumqayıt şəhər stadionunda tikinti işləri tamamlanmaq üzrədir.

Bunu Sumqayit.Tv-yə açıqlamasında Sumqayıt stadionunun direktoru Nadir Quliyev deyib:
“Stadionun yaxın zamanlarda açılması nəzərdə tutulub.Arena 10 min azarkeş tutumuna malik olacaq, iki tablo quraşdırılacaq. İlk oyunu keçirmək üçünsə bir müddət də gözləməli olacağıq”.

N.Quliyev daha sonra stadionun binasında digər idman növləri üçün şəraitin olacağını da vurğulayıb: “Artıq boks və cüdo zalları demək olar ki, hazırdır.Digər idman növləri üçün də zallar mövcud olacaq”.

Xatırladaq ki, 2019-cu ilin noyabrında ölkə başçısının sərəncamı ilə Mehdi Hüseynzadə adına Sumqayıt şəhər stadionunun yenidən qurulması məqsədilə dövlət büdcəsindən Sumqayıt şəhər İcra Hakimiyyətinə ilkin olaraq 5 milyon manat ayrılmışdı.Məhz bu sərəncamdan sonra 61 il əvvəl inşa olunan arena yenidən qurulmağa başladı.

Nihat KƏRİMLİ