Sumqayıt.tv-nin redaksiyasına vətəndaşların növbəti şikayəti daxil olub. Vətəndaşlar Sumqayıt şəhəri Səməd Vurğun küçəsinin 5-ci mkr hissəsində olan vəziyyətdən narazılıq edir. Onlar bildirir ki, 1 tonluq "Ford" maşınları və digər nəqliyyat vasitələri 15-ci binanın qarşısındakı səkini maşın yoluna döndərib. Hal-hazırda həmin ərazidə səkilərə yeni daş plitələr döşənir. Sumqayıt şəhər İcra Hakimiyyəti səkini abadlaşdırır, yeni daş plitələr döşəyir. Biz də bu işləri alqışlayırıq. Ancaq maşınlar bu daşları sıradan çıxarcaqsa, təmirin də bir mənası qalmır. 
Aidiyyatı qurumlardan xahiş edirik, piyada səkisini maşınlardan azad edib, piyadaların istifadəsinə versinlər.