Sumqayıt bələdiyyəsinin sədr müavini Nərmin Mehdiyeva  "Stansiya Sumqayıt və Dəmiryolunun yük həyəti" qəsəbəsinin sakinləri ilə görüş keçirib.
Sumqayit.tv xəbər verir ki, görüş zamanı 600 yaşayış evini əhatə edən qəsəbənin problemləri dinlənilib. Əsasən elektrik enerjisinin verilişi, yolların asfaltlanması, kanalizasiya xəttinin çəkilməsi ilə bağlı problemlər dinlənilib. Eyni zamanda qəsəbəyə ad verilməsi məsələsi də ön plana çəkilib. Yekunda qəsəbədə yeni elektrik yarımstansiyasının qurulması, qəsəbədaxili yolun müəyyən hissələrinin asfaltlanmasına dair vədlər verilib. Sonda qəsəbə sakinləri onların problemləri ilə maraqlandıqları üçün Sumqayıt bələdiyyəsinə öz təşəkkürlərini çatdırıblar.