Sumqayıt Regional Mədəniyyət İdarəsinə tabeli Qubadlı rayon Nümayəndəliyi tərəfindən Sumqayıt şəhər Şəhidlər Xiyabanında Birinci Qarabağ müharibəsində Ağdam rayonunun Güllücə kəndi uğrunda gedən döyüşlərdə qəhrəmancasına şəhid olan Hikmət Salman oğlu Zamanova həsr olunan anım günü keçirilib.
Sumqayit.tv xəbər verir ki, tədbirdə Qubadlı Rayon İcra Hakimiyyəti başçısının müavini Allahverdi Haqverdiyev, YAP-ın Qubadlı Rayon Təşkilatının sədri Təhmasib Rüstəmov, şəhidin ailə üzvləri, rayon ictimaiyyəti iştirak ediblər. Qubadlı Rayon Vasili Əliyev adına Rayon Mədəniyyət evinin direktoru Ziba İbrahimova tədbiri giriş sözü ilə açaraq hər kəsi salamlayıb. Vətənimizin azadlığı uğrunda canlarından keçən bütün şəhidlərin əziz xatirəsi bir dəqiqəlik sükutla yad edilib. Şəhidin keçdiyi şərəfli həyat yolu haqqında geniş məlumat verilərək, xoş xatirələrindən danışılıb.
Sonda Vasili Əliyev adına Rayon Mədəniyyət evi və Mahmudlu kənd Mədəniyyət evinin bədii qiraət dərnəyinin üzvləri tərəfindən şeirlər söylənilib.