Sumqayıt sakini Teymur Məmmədov sahibi olduğu bahalı retro avtomobili satışa çıxarıb.
Sumqayit.tv “Qafqazinfo”-ya istinadən xəbər verir ki, o, Azərbaycanda yeganə, 1938-ci il buraxılışı olan “Mercedes 170 V” avtomobilini 850 min dollara (təxminən 1,5 milyon manat) təklif edir. T.Məmmədov avtomobilin satışı ilə bağlı yerli və xarici elan saytlarında məlumat yerləşdirib.
Qeyd edək ki, 85 yaşlı avtomobil ideal vəziyyətdədir. Kupe-sedan tipli maşın geridə qalan illərdə 82 min kilometr yol qət edib. 2,4 litrlik benzin mühərrikə malik nəqliyyat vasitəsi 85 at gücünə malikdir.