Türkiyənin Qəhrəmanmaraş vilayətinin Pazarcık rayonunda 7,4 bal gücündə zəlzələ olub.
Sumqayit.tv xəbər verir ki, bu barədə AFAD məlumat yayıb.
Yerin 7 kilometr dərinliyində meydana gələn zəlzələ Kayseri, Malatya, Diyarbəkir, Qaziantep və paytaxt Ankarada da hiss olunub.
Eyni zamanda bildirilib ki, Qaziantepin Nurdağı bölgəsində 6,4 bal gücündə zəlzələ olub. Zəlzələ yerin 6.98 kilometr dərinliyində meydana gəlib.
Bundan başqa, Malatya valisi Hulusi Şahin bildirib ki, vilayətin Doğanşəhər rayonunda 10-a yaxın bina dağılıb:
"Can itkisi də var".