Sumqayıtda güclü külək bir sıra fəsadlar törədib.
Sumqayit.tv bildirir ki, APA-nın yerli bürosunun xəbərinə görə, şəhərdə güclü külək nəticəsində ağaclar aşıb. Aşan ağaclardan biri yol kənarında dayanmış “VAZ-2109" markalı avtomobilin üzərinə düşüb.
Bundan başqa, aşan ağaclardan biri 8 nömrəli marşrut xətti ilə hərəkət edən avtobusa ziyan vurub.
Güclü külək nəticəsində şəhərdə qaz xətti də qırılıb.
Küləyin yaratdığı fəsadların aradan qaldırılması üçün tədbirlər görülür.