Ötən gecə Fövqəladə Hallar Nazirliyinin (FHN) 112 - qaynar telefon xəttinə Sumqayıt şəhərinin Bakı-Quba-Rusiya Federasiyası ilə dövlət sərhədi avtomobil yolunun 28-ci kilometrliyindəki məişət tullantıları poliqonunda yanğın baş verməsi barədə məlumat daxil olub və dərhal əraziyə FHN Dövlət Yanğından Mühafizə Xidmətinin qüvvələri cəlb olunub.
Qurumun mətbuat xidmətindən Sumqayit.tv-yə bildiriblər ki, hazırda havanın güclü küləkli olmasına baxmayaraq yanğınsöndürənlər tərəfindən tüstülənmə ocaqlarının söndürülüməsi istiqamətində tədbirlər davam etdirilir.
Açıq alov mənbələri müşahidə edilmir.
Sumqayıtda Məişət Tullantıları Poliqonunda noyabrın 27-si saat 00-00 başlanan yanğının söndürülməsi tədbirləri davam edir. Yanğın ayrı-ayrı təpəciklər halında baş verib. Əsən güclü külək prosesi ləngidir.
Sumqayit.tv xəbər verir ki, əraziyə FHN-nin Dövlət Yanğından Mühafizə Xidmətinin, şəhərin müvafiq strukturların 20-ya yaxın texnikası və əməkdaşları cəlb olunub. Torpaqlanma işləri aparılır./azertac