Sumqayıt şəhəri Hacı Zeynalabdin bələdiyyəsinin ilk iclası keçirildi: sədr və müavinləri seçildi.
Sumqayit.tv xəbər verir ki, Azərbaycan Respublikası Konstitusiyasının 144-cü maddəsinə, "Bələdiyyələrin statusu haqqında" Azərbaycan Respublikası Qanununun 16-1-ci maddəsinə və Mərkəzi Seçki Komissiyasının 14 fevral 2025-ci il tarixli qərarına əsasən Sumqayıt şəhəri Hacı Zeynalabdin bələdiyyəsinə üzv seçilmiş şəxslərin siyahısını elan edərək, bələdiyyənin ilk iclasının gündəliyində Sədr və Sədr müavinlərinin seçilməsi təsdiq olundu.

Səs vermənin nəticəsinə əsasən
Sumqayıt şəhəri Hacı Zeynalabdin bələdiyyəsi üzrə

Sədr - Qasımova Əsli Nofəl qızı

Sədr müavini - Abbasov Vüsal
Hidayət oğlu

Sədr müavini - Həmzəyev Balakişi Mərvan oğlu

İclasda Əsli Qasımova bələdiyyə üzvlərinə ona göstərdikləri etimada görə təşəkkürünü bildirib.

Hər bir üzvümüzü bu qalibiyyətlə əlaqədar olaraq təbrik edirəm və gələcək 5 il fəaliyyətimiz müddətində hər birimizə uğurlar arzu edirəm.
Dövlətimiz, Millətimiz, Vətənimiz üçün xeyirli və uğurlu olsun - deyə Əsli Qasımova qeyd edib.