Sumqayıt şəhəri, S.Vurğun küçəsində avtobusda yanğın baş verib.
Sumqayit.tv xəbər verir ki, bu barədə Fövqəladə Hallar Nazirliyinin (FHN) “112” qaynar xəttinə məlumat daxil olub. Hadisə ilə bağlı dərhal FHN-in Dövlət Yanğından Mühafizə Xidmətinin Sumqayıt şəhər Yanğından Mühafizə İdarəsinin əməkdaşları əraziyə cəlb edilib.
Yanğınsöndürənlərin operativ müdaxiləsi nəticəsində “Mitsubishi” markalı avtobusun mühərrik hissəsində başlayan yanğın qısa zamanda söndürülüb və onun genişlənməsinin qarşısı alınıb. Hadisə zamanı avtobusun mühərriki və salonunun bir hissəsi zərər görsə də, digər hissələri yanğından mühafizə olunub.