Sumqayıt şəhərində yerləşən fərdi yaşayış evində yanğın hadisəsi qeydə alınıb.
Sumqayit.tv xəbər verir ki, Fövqəladə Hallar Nazirliyinin məlumatına görə, ümumi sahəsi 480 m² (hər mərtəbəsi 240 m²) olan ikimərtəbəli 8 otaqlı evin birinci mərtəbəsində yanğın başlayıb. Hadisə nəticəsində mətbəxdə yerləşən 4 paq.m mebel, 2 ədəd məişət avadanlığı və plastik materialdan hazırlanmış pəncərə çərçivəsi yanıb.
Yüksək temperaturun təsirindən ikinci mərtəbəyə qalxan pilləkən qəfəsində lambirdən ibarət tavanın 6 m²-lik hissəsi əriyib. Lakin operativ müdaxilə nəticəsində evin digər hissələri alovdan qorunub.
Yanğın yanğından mühafizə bölmələri tərəfindən tam söndürülüb.