Fövqəladə Hallar Nazirliyi (FHN) Sumqayıtda fəaliyyət göstərən bir mərasim evinin təhlükəsizlik qaydalarına əməl etmədiyini aşkarlayaraq onun fəaliyyətini dayandırıb.
Sumqayit.tv xəbər verir ki, FHN-in Dövlət Yanğın Nəzarəti Xidməti tərəfindən Sumqayıt şəhəri, 10-cu mikrorayon, Koroğlu küçəsi, 1 ünvanında yerləşən “Arzu” mərasim evində yoxlama aparılıb. Nəticədə yanğın təhlükəsizliyi sahəsində ciddi nöqsanların mövcud olduğu müəyyən edilib.

Aşkarlanan Qüsurlar:

• Avtomatik yanğınxəbərverici siqnalizasiya qurğusu quraşdırılmayıb.
• Elektrik təsərrüfatı müvafiq qaydalara uyğun deyil.
• Yanğın su hovuzu yoxdur.
• Ehtiyat təxliyə çıxışı mövcud deyil.
• Yanğınsöndürmə vasitələri, o cümlədən odsöndürən balonlar yoxdur.
• Təxliyə planı mövcud deyil.
• Tavan hissələri yanar material olan lambirlə üzlənib.

Qeyd olunan pozuntular insan həyatı və sağlamlığına, həmçinin dövlət əmlakına ciddi təhlükə yaratdığı üçün “Arzu” mərasim evinin fəaliyyətinin dayandırılması barədə qərar qəbul edilib.

[media=]

5-03-2025, 15:47 381