Sumqayıtda “Meronun arxası” kimi tanınan ərazinin sakinləri uzun müddətdir kanalizasiya sisteminin olmamasından şikayətlənirlər. Sumqayit.tv-in ünvanına daxil olan şikayət xarakterli məlumatda bildirilir ki, bu problem onların gündəlik həyatlarına ciddi təsir göstərir və sanitar-gigiyenik baxımdan çətinliklər yaradır.

Sakinlər bildirirlər ki, müasir dövrdə belə bir problemin həll olunmaması onları narahat edir. Onlar aidiyyəti qurumların, xüsusilə də su kanal idarəsinin məsələyə diqqət yetirməsini və problemin aradan qaldırılması üçün tədbir görülməsini istəyirlər.

Bununla yanaşı, sakinlər ərazinin işıqlandırılmasına da ehtiyac olduğunu qeyd edirlər. Ümid edirlər ki, məsələ ilə bağlı müvafiq qurumlar tezliklə tədbir görəcək və onların illərdir yaşadığı çətinliklərə son qoyulacaq.