Fövqəladə Hallar Nazirliyinin (FHN) verdiyi məlumata görə, hadisə Sumqayıt şəhəri, 52-ci məhəllədə yerləşən özəl reabilitasiya mərkəzində baş verib.
Sumqayit.tv xəbər verir ki, “112” qaynar telefon xəttinə məlumat daxil olduqdan dərhal sonra FHN-in Dövlət Yanğından Mühafizə Xidmətinin və Sumqayıt Regional Mərkəzinin qüvvələri əraziyə göndərilib. Üçmərtəbəli binanın 3-cü mərtəbəsində baş verən yanğın, yanğınsöndürənlərin çevik müdaxiləsi ilə genişlənmədən söndürülüb.
Yanğın nəticəsində, tikilinin 540 kv.m. ümumi sahəsindən 180 kv.m. sahədə taxta konstruksiyalarla olan 3-cü mərtəbə yanıb. Lakin 1-ci və 2-ci mərtəbələr yanğından mühafizə olunub.
Hadisə zamanı heç bir xəsarət olmayıb və yanğınla mübarizə tədbirləri uğurla başa çatıb.
6-03-2025, 15:20
257
