Prezidentin yeni fərmanlarında Sumqayıtda sərnişin daşınması sahəsinə dair sənədlərdə də düzəliş edilib.

Prezident İlham Əliyev şəhərsalma, texniki təhlükəsizlik, lisenziyalar və nəqliyyat sahələri ilə bağlı bir sıra fərman və sərəncamlarda dəyişiklik edilməsi haqqında iki fərman imzalayıb.

Sumqayit.tv xəbər verir ki, imzalanan ilk fərman “Azərbaycan Respublikasının Şəhərsalma və Tikinti Məcəlləsində”, “Texniki təhlükəsizlik haqqında” və “Lisenziyalar və icazələr haqqında” qanunlarda edilən dəyişikliklərin icrası ilə əlaqədardır. Fərmanla bir neçə dövlət qurumunun əsasnamələrinə əlavə və düzəlişlər olunub.

Dəyişiklik edilən sənədlərdən biri də Sumqayıtla bağlıdır. Belə ki, Prezidentin 2015-ci il 7 dekabr tarixli “Sumqayıt şəhərində avtomobil nəqliyyatı ilə sərnişin daşınması sahəsində idarəetmənin təkmilləşdirilməsi haqqında” fərmanına dəyişiklik edilib.

İkinci fərman isə Azərbaycan Yerüstü Nəqliyyat Agentliyi (AYNA) ilə bağlıdır. Fərmanda beynəlxalq avtomobil daşımalarında istifadə edilən icazə blanklarının verilməsi qaydaları, AYNA informasiya sistemində yeni funksiyaların tətbiqi və bəzi anlayışların yenilənməsi əksini tapıb.

Hər iki fərman qüvvəyə minib.

Bu gün, 16:07 9