Noyabrın 14-də Sumqayıt Şəhər İcra Hakimiyyətinin başçısı Zakir Fərəcov 18-ci məhəllədə sakinlərlə görüş keçirib.

Sumqayit.tv xəbər verir ki, görüşdə İcra Hakimiyyətinin məsul əməkdaşları ilə yanaşı, şəhərin müxtəlif xidmət sahələrinin rəhbərləri – kommunal təsərrüfat, məşğulluq, səhiyyə, təhsil və sosial müdafiə qurumlarının nümayəndələri iştirak ediblər.

Şəhər rəhbəri sakinləri fərdi qaydada dinləyib. Müraciətlərin bir qismi yerində həll olunub, araşdırılma tələb edən məsələlərin isə qanunvericiliyə uyğun və operativ şəkildə icrası üçün aidiyyəti qurumlara tapşırıqlar verilib.

Qeyd edək ki, Sumqayıt Şəhər İcra Hakimiyyəti tərəfindən mütəmadi keçirilən səyyar qəbul-görüşlər sakinlərlə birbaşa ünsiyyətin gücləndirilməsinə, onların gündəlik həyatda üzləşdikləri problemlərin vaxtında və səmərəli şəkildə həllinə yönəlib.

14-11-2025, 16:26 317