27.09.2020-ci il tarixində başlayan Vətən müharibəsi zamanı şəhid olan Azərbaycan Silahlı Qüvvələrinin əsgərləri
Cabbarov Akif Elxan oğlu və İmanov Ənvər Emil oğlunun şəhadətə ucaldıqları gündür.
Sumqayit.tv xəbər verir ki, Cabbarov Akifin anım mərasimi Şəhidlər Xiyabanında məzarını ziyarət edilərək başlanılıb, sonra yaşadığı evdə ehsan süfrəsi verilərək davam edib. Məclisdə şəhidimizin qohumları və şəhid ailələri iştirak ediblər.
Qeyd edək ki,Akif Elxan oğlu Cabbarov 20.09.1997-ci ildə Gədəbəy rayonunda dünyaya göz açıb. O 2016-cı ildə əsgərliyə çağırılıb və elə həmin il anasını itirib. Akif Cabbarov Suqovuşan, Füzuli uğrunda gedən döyüşlərdə iştirak edib. O oktyabrın 25-də Füzulinin Alıxanlı kəndində şəhid olub.
Azərbaycan Prezidenti İlham Əliyevin Sərəncamına əsasən Cabbarov Akif ölümündən sonra "Vətən uğrunda" və "Füzulinin azad olunmasına görə" medalları ilə təltif edilib. 

Ənvər İmanov 11.01.1999-cu ildə Sumqayıt şəhərində zəhmətkeş ailədə dünyaya gəlib. 2005–2016-cı illərdə Sumqayıt şəhər 41 saylı tam orta məktəbdə təhsil alıb. 27.09.2020-ci il tarixində Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Ənvər İmanov Füzuli, Cəbrayıl, Xocavənd döyüşlərində savaşıb. Ənvər İmanov 28.10.2020-ci ildə Xocavənd döyüşləri zamanı şəhidlik məqamına ucalıb.
Azərbaycan Prezidenti İlham Əliyevin Sərəncamına əsasən Cabbarov Akif ölümündən sonra "Vətən uğrunda", "Füzulinin azad olunmasına görə", "Cəbrayılın azad olunmasına görə" və "Xocavəndin azad olunmasına görə" medalları ilə təltif edilib. 

Ruhunuz şad olsun, Qəhrəmanlar! 

Müxbir:Vəsiqə DADAŞOVA