Bu gün (R.e.d-dünən) 27 sentyabr 2020-ci ildə başlayan "Vətən" müharibəsi zamanı şəhid olan Azərbaycan Silahlı Güvvələrinin mayoru Kərimov Taleh Adil oğlunun anım mərasimi keçirilib. 

Sumqayit.tv xəbər verir ki, şəhidimiz Kərimov Talehin anım mərasimi Şəhidlər Xiyabanında məzarını ziyarət edilərək başlanılıb, sonra isə mərasim evlərinin birində ehsan süfrəsi verilərək davam edib. Məclisdə şəhidlərimizin xatirəsi bir dəqiqəlik sükutla yad edilib,  Azərbaycan Respublikasının Dövlət Himni ifa olunub və Quran oxunulub. Məclisdə İcra Hakimiyyətin nümayəndələri Teymur Səmədov, Tərlan Hacızadə, Ceyhun Məmmədov, Müdafiyə Nazirliyinin əməkdaşları, hərbi yoldaşları, qazilər və şəhid ailələri iştirak ediblər. 
Qeyd edək ki, Taleh Kərimov 06.03.1985-ci il tarixində Sumqayıt şəhərində anadan olub. 1992-1995-ci illərdə Sumqayıt şəhərinin Corat qəsəbəsində 7 nömrəli tam orta məкtəbdə, 1995-2003-cü illərdə isə Məhəmməd Füzuli adına Tibb, Humanitar və Texniкi Təmayüllü "İstedad" Liseyində təhsil alıb. Ali təhsilini isə 2003-2007-ci illərdə Heydər Əliyev adına Azərbaycan Ali Hərbi Məкtəbində (AAHM) "Kəşfiyyatçı" ixtisası üzrə alıb. Taleh Kərimov 2010-cu ilin mart ayından 2014-cü ilin yanvar ayına qədər Azərbaycan Silahlı Qüvvələrinin "N" saylı hərbi hissəsində Motoatıcı Taborun Qərargah rəisinin Kəşfiyyat üzrə müavini və Kəşfiyyat Taqım Komandiri vəzifəsində, 2014-cü ilin yanvar ayından 2016-cı ilin yanvar ayına qədər isə Azərbaycan Silahlı Qüvvələrinin "N" saylı hərbi hissəsinin Kəşfiyyat bölməsinin və Kəşfiyyat rəisinin məlumatların toplanması üzrə rəisi vəzifəsində xidmət edib. Taleh Kərimov 2018-ci ilin mart ayından 2019-cu ilin noyabr ayına qədər Azərbaycan Silahlı Qüvvələrinin "N" saylı hərbi hissəsin Kəşfiyyat rəisi və Kəşfiyyat bölməsinin rəisi vəzifəsində xidmət edib. Taleh Kərimov 2019-cu ilin noyabr ayından Azərbaycan Silahlı Qüvvələrinin Kəşfiyyat Baş İdarəsinin Qoşun Kəşfiyyatı İdarəsinin Planlaşdırma və Əlaqələndirmə şöbəsində xidmət edirdi. Azərbaycan Ordusunun mayoru olan Taleh Kərimov 27.09.2020-ci ildə Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Füzulinin, Cəbrayılın və Qubadlının azadlığı uğrunda gedən döyüşlərdə savaşıb. Taleh Kərimov oktyabrın 30-da Qubadlı döyüşləri zamanı şəhid olub. Azərbaycan Prezidentinin Sərəncamına əsasən Taleh Kərimov ölümündən sonra "Qarabağ" ordeni, "Vətən uğrunda" və "Qubadlının azad olunmasına görə" medalları ilə təltif edilib. 

Allah ruhunu şad etsin, Qəhrəman! 

Müxbir:Vəsiqə DADAŞOVA