Bu gün (red-dünən) 27.09.2020-il tarixində başlayan Vətən müharibəsi zamanı şəhid olan Azərbaycan Silahlı Qüvvələrinin kiçik leytenantı Muradov Vüsal Cəsarət oğlunun şəhadətə ucaldığı gündür. 

Sumqayit.tv xəbər verir ki, şəhidimiz Muradov Vüsalın anım mərasimi Şəhidlər Xiyabanında məzarını ziyarət edilərək başlanılıb, sonra isə mərasim evlərinin birində ehsan süfrəsi verilərək davam edib. Məclisdə Sosial Xidmətlər Agentliyinin işçiləri, Ali Hərbi məktəbin şəxsi heyəti, kursantlar, Ağdam və Sumqayıt şəhərlərin İcra nümayəndələri, Baş kəşfiyyat idarənin nümayəndələri Elvin bəy və Əsgər bəy, həmçinin şəhid ailələri iştirak ediblər.

Xatırladaq ki, Vüsal Muradov 19.05.1999-cu ildə Sumqayıt şəhərində anadan olub. Əslən Ağdam rayonundan idi. 2017-ci ildən Heydər Əliyev adına Azərbaycan Ali Hərbi Məktəbində (AAHM) təhsil alırdı. IV sinif Kursantı idi. 2020-ci ilin sentyabrda Vətən müharibəsinin başlaması ilə bağlı "kiçik leytenant" rütbəsi ilə müharibəyə yollandı. Subay idi. 
Azərbaycan Ordusunun kiçik leytenantı olan Vüsal Muradov 27.09.2020-ci il tarixində Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Xocavəndin azadlığı uğrunda gedən döyüşlərdə savaşıb. Vüsal Muradov oktyabrın 29-da Xocavənd döyüşləri zamanı şəhid olub.
Azərbaycan Prezidentin Sərəncamına əsasən Muradov Vüsal ölümündən sonra "Cəsur döyüşçü", "Vətən uğrunda" və "Xocavəndin azad olunmasına görə" medalları ilə təltif olunub. 

Ruhun şad olsun, Vətənimizin mərd oğlu! 

Müxbir:Vəsiqə DADAŞOVA