Sumqayıt Regional Mədəniyyət İdarəsinə tabeli Nəriman Nərimanov adına Mədəniyyət  Mərkəzində "Zəfər nəğməli Azərbaycan!” adlı musiqili gecə baş tutub. Əvvəlcə tədbir  iştirakçıları Mədəniyyət Mərkəzində fəaliyyət göstərən rəssamlıq kursu üzvlərinin Zəfər  bayramı ilə bağlı bir-birindən maraqlı rəsmlərindən ibarət sərgiyə baxış keçiriblər. Sonra  günlə əlaqədar videoçarx izlənilib. Aparıcılar tədbir iştirakçılarını salamladıqdan sonra  şəhidlərimizin əziz xatirəsi bir dəqiqəlik sükutla yad edilib. Tədbirin davamında rəqs, mövzu ilə bağlı şeirlər, şux mahnılar ifa olunub.