Sulfat turşusu istehsalı müəssisəsində işlərin 85%-i tamamlanıb.
Sumqayit.tv xəbər verir ki, Sumqayıt Kimya Sənaye Parkının rezidenti “Azərsulfat” MMC-nin sulfat turşusu istehsalı müəssisəsində avadanlıqların quraşdırılması (montajı) işlərinə başlanılıb.
Müəssisənin investisiya dəyəri 6 milyon ABŞ dollarıdır, layihə üzrə indiyədək görülən işlərə artıq 5 milyon dollar sərmayə qoyulub və işlərin 85%-i tamamlanıb.
Qeyd edək ki, “Azərsulfat” MMC-yə 2020-ci ilin iyul ayında Sumqayıt Kimya Sənaye Parkının rezidentiyi statusu verilib.
Sənaye müəssisəsi idxalın əvəzlənməsində və ixrac potensialının genişləndirilməsində əhəmiyyətli rol oynayacaqdır.
9-03-2022, 16:05
327
.jpg)
