Sumqayıt şəhər İcra Hakimiyyətinin təşəbbüsü, Gənclər və İdman Baş İdarəsinin təşkilatçılığı ilə Novruz bayramı münasibətilə şəhid və qazi ailələrinin övladları üçün bayram şənliyi təşkil olunmuşdur.

Öncə Vətənimizin bütövlüyü uğrunda şəhid olmuş qəhrəmanlarımızın əziz xatirəsi bir dəqiqəlik sükutla yad edilmiş, yeniyetmə və gənclərin əl işlərindən ibarət rəsm sərgisinə baxış keçirilmişdir.
Çıxış edən Millət vəkili Müşviq Məmmədli, Sumqayıt şəhər İcra Hakimiyyətinin nümayəndəsi Fərman Kazımov, Baş İdarənin rəisi Elgün Hümbətov 44 günlük Vətən müharibəsində Müzəffər Ali Baş Komandan İlham Əliyevin rəhbərliyi ilə şanlı Ordumuzun əldə etdiyi Zəfərin xalqımıza yaşatdığı əvəzsiz sevinc və qürur hissindən, şəhidlərimizin və qazilərimizin qəhrəmanlıqlarından söz açmış, şəhid və qazi ailələrinin hər zaman diqqət mərkəzində saxlanıldığını, onların problemlərinin həlli istiqamətində mühüm addımlar atıldığını bildirmişlər.
Tədbirdə şəhid və qazi övladlarından ibarət "Əmanət" xor kollektivinin ifasında vətənpərvərlik ruhunda mahnılar səsləndirilmiş, Novruz personajları olan kosa və keçəlin sərgüzətlərinə, Günəşim kukla teatrının "Balıqçı pişik” tamaşasına baxış keçrilmiş, gənc musiqiçilərin ifalarında mahnılar dinlənilmişdir.
Sonda iştirakçılara bayram hədiyyələri təqdim edilmişdir.