Sumqayıt şəhərində maraqlı, eyni zamanda cinayət tərkibli hadisə baş verib.

Sumqayit.tv xəbər verir ki, şəhərin Corat qəsəbəsi ərazisində, 2 saylı Sumqayıt şəhər xəstəxanası yaxınlığında böyük iydə ağacı kəsilib. Maraqlısı budur ki, ağacın kəsilməsi azmış kimi, ağacın başına torba keçiriblər. Bu da ətrafdakıların gülüşünə səbəb olub. Vaxtilə çoxsaylı insanların kölgəlik kimi yararlandığı ağacı kəsmək görəsən kimin ideyası olub?! Ağacı kəsmək bir ayıb, başına torba keçirmək və üzərinə daş qoymaq ikinci... Ulu öndər Heydər Əliyev demişkən: "Ağacı kəsən mənim qolumu kəsir". Xatırladaq ki, Sumqayıt şəhərinin məsul şəxslərinin yaşadığı və avtomobillərinin keçdiyi yerdə ağacın kəsilməsi böyük təəccüb doğurur. Məsələnin müvafiq qurumlar tərəfindən təcili araşdırılmasına ehtiyac var.