Kiyev səmasında naməlum uçan obyekt görünüb.
APA xəbər verirki, bu barədə Ukraynanın “Strana” nəşri məlumat yayıb.
Fevralın 14-də Ukrayna Hərbi Hava Qüvvələri Komandanlığının nümayəndəsi Yuri İqnat Ukrayna ərazisi üzərində hava şarlarının qeydə alındığını bildirib.
İqnatın sözlərinə görə, onların Rusiya Federasiyası ərazisindən göndərildiyi iddia edilir.
Fevralın 12-də ABŞ ordusu dördüncü hava şarını vurub.
Buraya ABŞ-ı keçən və Atlantik okeanı üzərində ələ keçirilmiş Çin şarı daxildir.
ABŞ səlahiyyətliləri hava şarının casusluq məqsədilə buraxıldığını bildirib.
Pekin, öz növbəsində, bunun itirilmiş mülki hava şarı olduğunu iddia edir.