Ermənistan Milli Təhlükəsizlik Xidməti general-mayor Qriqori Xaçaturovu saxlayıb.
Musavat.com erməni mediasına istinadən bildirir ki, onun həbsi ilə bağlı vəsatət hazırlanır.
3-cü Ordu Korpusunun keçmiş komandiri baş prokuror Anna Vardapetyan keçmiş müdafiə naziri Seyran Ohanyanın cinayət təqibi üçün parlamentdən icazə aldıqdan sonra saxlanılıb.
Hər iki keçmiş yüksək rütbəli hərbçi iki hərbi hissənin ərazisini satmaqla dələduzluqda ittiham olunur. Ohanyan artıq bəyan edib ki, bunlar köhnə və dağılmış tikililər, istismar olunmayan və büdcəyə əlavə xərc mənbəyi olan torpaqlar olub.
Qeyd edək ki, saxlanılan zabit Ermənistan ordusunun keçmiş Baş Qərargah rəisi Yuri Xaçaturovun oğludur.