Kreml Belarusun anneksiyası üçün xüsusi plan hazırlayıb.
Sumqayit.tv xəbər verir ki, bu məlumatı “Dosye” mərkəzi yayıb.
Məlumata görə, yeni plan 2030-cu ilə qədər Minskin siyasi, iqtisadi və hərbi vasitələrlə Rusiyaya birləşdirilməsini nəzərdə tutur.
2021-ci ilə aid olan sənəddə Kremlin bu anneksiyanı “İttifaq dövlət” adı altında həyata keçirəcəyi bildirilib.
17 səhifəlik sənəddə Moskvanın qarşısına qoyduğu məqsədlərin qısamüddətli (2022-ci ilə qədər icra edilməli olanlar – red.), ortamüddətli (2025) və uzunmüddətli (2030) olaraq üç yerə bölündüyü vurğulanıb.
Planda Belarus və Rusiya qanunlarının harmonizasiyası, eləcə də xarici və müdafiə siyasətinin eyniləşdirilməsi nəzərdə tutulub.
Yeni planın hazırlanmasında Rusiya Baş Qərargahı, Baş Kəşfiyyat İdarəsi, Xarici Kəşfiyyat Xidməti, Federal Təhlükəsizlik Xidməti və Prezident Administrasiyası yaxından iştirak edib.
Sənəddə Kremlin Cənubi Osetiya və Abxaziyadakı maraqları də nəzərə alınıb.