Britaniyalı məşhur aktyor Cud Lou yenidən ata olub. Aktyor və həyat yoldaşı Filippa Koen Londonun Hitrou hava limanında yeni doğulmuş körpələri ilə görüntüləniblər. Cütlüyün 2 yaşlı uşağını müşayiət edən dayəsi də yanlarında olub.
"Ölkə.az" xəbər verir ki, Cud Lou 2019-cu ildə psixoloq Filippa Koenlə evlənib. Cütlüyün 2020-ci ildə uşaqları dünyaya gəlib. Onlar uşağın adını və cinsini açıqlamırlar.
Cud Lou çoxuşaqlı atadır. 1997-2003-cü illərdə aktrisa Seydi Frost ilə evli olub. Onların üç övladı var: oğlu Rafferti (1996), qızı Ayris (2000) və oğlu Rudi (2002).
2008-ci ildə aktyorun model Samanta Burk ilə münasibəti olub. Onların Sofiya adlı qızı var (2009).
Lou 2014-cü ildə müğənni Ketrin Hardinqlə görüşməyə başlayıb. 2015-ci ildə cütlüyün Ada Lou adlı qızı dünyaya gəlib.