Avropa İttifaqına üzv ölkələrin daimi nümayəndələri Ukraynadakı müharibə ilə əlaqədar Rusiyaya qarşı 10-cu sanksiyalar paketində razılığa gəliblər.
APA xəbər verir ki, bu barədə İsveçin sədrliyi ilə keçirilən Aİ Şurasının iclasında qeyd olunub.
"Bu gün Aİ 10-cu anti-Rusiya sanksiyalar paketini təsdiqləyib", - deyə bildirilib.
Aİ-nin Rusiya qarşı 10-cu sanksiyalar paketinə ikili istifadə və texnologiya ilə bağlı daha sərt ixrac məhdudiyyətləri daxildir.
Aİ-yə üzv dövlətləri Ukraynanın müharibədə qalib gəlməsinə kömək etmək üçün indiyə qədər ən güclü və genişmiqyaslı sanksiyaları tətbiq ediblər.
Aİ Ukrayna və Ukrayna xalqı ilə birlikdədir.
"Biz Ukraynanı nə qədər lazımdırsa, dəstəkləməyə davam edəcəyik", - deyə məlumatda qeyd olunub.