Macarıstan Baş naziri Viktor Orban İsveç və Finlandiyanın NATO-ya üzvlüyü ilə bağlı Türkiyəyə işarə edib.
Teleqraf.com xəbər verir ki, hökumət başçısı NATO-ya üzv olmaq istəyən ölkələri Türkiyə və Macarıstana hörmət etməyə çağırıb.
“Əgər İsveç və Finlandiya Macarıstanın ədalətli olmasını və NATO-ya üzvlüyünə töhfə verməsini istəyirsə, bu ölkələr də eyni addımları atmalı, Macarıstan haqda yalan iddialar yaymamalıdırlar”, - baş nazir bildirib.
Orban Türkiyənin də İsveçlə bağlı narahatlıqlarının və bunların nəzərə alınmasının lazım olduğuna diqqət çəkib:
“Türkiyənin narahatlığı İsveçdə ona qarşı fəaliyyət göstərən terror təşkilatlarının olmasıdır. Onlar bizim müttəfiqlərimizdir, biz onların səsini eşitməliyik”.