XX əsrin ən dəhşətli faciələrindən olan Xocalı soyqırımının ildönümündə gündəmə gələn məsələlərdən biri də bu qətliamı törədən erməni terrorçularının aqibətidir.
Globalinfo.az xəbər verir ki, Azərbaycan Ordusunun istər Birinci Qarabağ savaşında, istər Aprel döyüşlərində, istərsə də Vətən müharibəsində həyata keçirdiyi əməliyyatlar nəticəsində Xocalı qatillərindən bir çoxu məhv edilib.
Onların əksəriyyətinin adı və kimliyi ictimaiyyəti məlum olmasa da, bəziləri erməni cəmiyyətində kifayət qədər böyük nüfuz, vəzifə və rütbə sahibləri idi.
Globalinfo.az həmin qatillərdən bir neçəsini təqdim edir:

Xocalı qatili, ermənilərin “milli qəhrəmanı” Aleksandr Arutyunyan Vətən müharibəsində Hadrutda tələyə salınaraq məhv edilib.

Daha bir Xocalı qatili Rüstəm Qasparyan da Vətən müharibəsinin gedişində oğlu ilə birlikdə öldürülüb.

Xocalıda dinc əhalimizi qıran A.Arutyunyanın silahdaşları da Vətən müharibəsində zərərsizləşdirilib. 

Xocalı cəlladı Monte Melkonyan. 1993-cü ildə əsgərlərimiz tərəfindən məhv edilib.

Xocalı qətliamında iştirak edən “Arabo” batalyonu. Bu terror qrupunun, təxminən, yarıdan çoxu – 120 nəfəri Gəncə batalyonu tərəfindən Həsənqaya istiqamətində öldürülüb.