“Wizz Air” martin 14-dən Moldovanın paytaxtı Kişinyova bütün uçuşları təxirə salacaq.
 Sumqayit.tv BBC-yə istinadən xəbər verir ki, aviaşirkət qərarını Moldova hava məkanında təhlükəsizlik risklərinin yaranması ilə əlaqələndirib.
“Sərnişinlərin və heyətin təhlükəsizliyi “Wizz Air”in bir nömrəli prioriteti olaraq qalır. Moldovadakı son hadisələrin ardınca ölkənin hava məkanında risk artıb, “Wizz Air” çətin, lakin məsuliyyətli qərar qəbul edərək martin 14-dən Kişinyova bütün uçuşları təxirə salıb”, - deyə şirkətin açıqlamasında bildirilib.
Moldovanın mülki aviasiya agentliyi aviaşirkətin qərarının tələsik və təəssüfdoğurucu olduğunu bildirib və onun Kişinyov hava limanına qayıtması üçün bütün zəruri addımların atılacağını bəyan edib.