Rusiyalı iş adamı Britaniyaya çağırış etdi: Sanksiyaları götürün!
Rusiyalı iş adamı, Tinkoff Bankın təsisçisi Oleq Tinkov Böyük Britaniyadan ona tətbiq edilən sanksiyaların götürülməsini istəyib.
Yenipress.az xəbər verir ki, bu barədə “Blumberq” məlumat yayıb.
İş adamı məhdudiyyətlərin indiki prezident Vladimir Putinin rejimini dəstəkləməyən ruslara qarşı yönəlməməli olduğunu bildirib:
“Böyük Britaniya hökumətinin Rusiya diktatoru Vladimir Putini dəstəkləyən və ya müharibəyə töhfə verən insanlara qarşı sanksiyalar tətbiq etmək qərarını dəstəkləyirəm. Təəssüf ki, onlar səhvən mənim o insanlardan biri olduğumu düşünüblər. Sanksiyaların məndən götürülməsi ədalətli olardı. Qərbin sanksiyaları bütün ruslara qarşı deyil, yalnız Putini və onun işğalını dəstəkləyənlərə yönəlib”.
Onu Rusiya Federasiyasından olan digər iş adamı Mixail Xodorkovski dəstəkləyib. O, həmçinin Tinkova qarşı sanksiyaların ləğvini istəyib.
2-03-2023, 13:25
66
