Çin öz hərbi xərclərini 7,2% artıracaq.
Globalinfo.az xəbər verir ki, bu barədə məlumat Çin Maliyyə Nazirliyinin hazırladığı layihədə yer alıb.
Artım sayəsində ölkənin hərbi xərcləri 230 milyard dollara çatacaq. Hərbi büdcənin əsasən təhlükəsizlik problemlərinin həllinə yönəldiyi vurğulanıb.
Qeyd edək ki, Çinin hərbi büdcəsi 4 ildir artır. Ekspertlər Pekinin belə artımları, xüsusilə ABŞ-dən gələn təhdidin qarşısını almaqla yanaşı, Çinin öz regional və qlobal ambisiyalarının həyata keçirilməsi üçün istifadə etdiyini bildirirlər. Bununla belə, yeni artım Çinin Tayvanın birləşdirilməsi ilə bağlı yeni əməliyyatın keçirilməsi ethimalını da artırır.
Çin hazırda ABŞ-dan sonra ikinci ən böyük hərbi büdcəyə sahibdir. ABŞ-ın hərbi büdcəsi Çinin xərclərini ən azı 3,5 dəfə üstələyir.