Hadisə avqustun 28-də günorta radələrində baş verib. Sərkər Almasov həyat yoldaşı Helena ilə Komo gölündə istirahət edərkən gəzinti üçün motorlu qayıq icarəyə götürüb. Həmin gün onlar evliliyin ildönümünü qeyd edirdilər. Qayıqla səyahət zamanı o, Baddi adlı iti ilə oyun keçirmək qərarına gəlib. Sərkər itin topunu suya atır, it isə oyuncağı geri gətirirdi. Bir anda Sərkər topu çox uzağa atıb və iti göndərməkdən qorxduğu üçün onun arxasınca özü üzmək qərarına gəlib. O, suya düşərkən özünü pis hiss edib. Sərkər həyat yoldaşını köməyə çağırıb, lakin onu xilas etmək mümkün olmayıb. O, dərinliyi 130 metr olan göldə boğulub. S.Almasovun cəsədi sentyabrın 2-si tapılıb. Mərhumun cəsədi ekspertiza yekunlaşandan sonra Azərbaycana göndəriləcək.

Sərkər Almasovun atası Əsgər Almasov bildirib ki, oğlunun həyat yoldaşının cənazəni Azərbaycana gətirmək üçün pul toplaması kampaniyasına dair xəbərlər əsassızdır. 

Meyitin daşınma xərclərini ailəyə mənəvi dəstək məqsədilə Sərkərın dostları öz üzərinə götürüblər.