2026-cı ilin aprel ayında Sumqayıt və Abşeron yarımadasında hava şəraiti iqlim normasından fərqli keçib.

Sumqayit.tv-in məlumatına görə, Milli Hidrometeorologiya Xidmətinin rəisi Nazim Mahmudov bildirib ki, ay ərzində temperatur 21 gün normadan yuxarı olub. Maksimal temperatur aprelin 3-də məhz Sumqayıtda qeydə alınıb və 25°C isti təşkil edib.

Qeyd olunub ki, ay ərzində 6 gün temperatur normadan aşağı, 3 gün isə norma daxilində olub. Orta aylıq temperatur 13°C təşkil edib ki, bu da iqlim normasından 1°C yüksəkdir.

Eyni zamanda, aprel ayı ərzində hava şəraiti dəyişkən keçib, bəzi günlərdə leysan xarakterli yağıntılar müşahidə olunub. Bakı və Abşeron yarımadasında 19 gün küləkli hava qeydə alınıb, küləyin maksimal sürəti 28 m/s-dək güclənib.

Bundan başqa, ay ərzində dolu hadisələri də müşahidə olunub və ərazinin bəzi hissələrində qısamüddətli təsirlər qeydə alınıb.

Bu gün, 14:23 8