“Aqrar İnkişaf Könüllüləri” Təşkilatının təşkilatçılığı ilə “Aqrar Gənclik Ayı” layihəsi aprel ayından başlayaraq start götürüb. Layihənin keçirilməsində əsas məqsəd könüllüləri müxtəlif kənd təsərrüfatına aid müəssisələr ilə tanış etmək, aqrar sahə ilə bağlı təməl biliklərini inkişaf etdirmək ilə yanaşı, gənclərin sosiallaşmasını təmin etməkdir.
İlkin mərhələdə layihə çərçivəsində Qəbələ, Yevlax, Goranboy, Şəki ərazisində yerləşən kombinant, zavodlara səfərlər, fermerlərlə görüş təşkil olunub.  İştirakçılara nəzəri biliklərlə yanaşı, praktik biliklərə daha yaxşı yiyələnməsi üçün səfərlərin təşkili, onların sosiallaşması və aqrar sahədə biliklərinin düzgün tətbiqi məqsədilə fermerlerlə görüşlərin, mütəxəssislər tərəfindən isə müxtəlif təlimlərin keçirilməsi nəzərdə tutulub.
Həmçinin, layihə çərçivəsində ətraf mühitin mühafizəsinin vacibliyini cəmiyyətə çatdırmaq üçün ekoloji aksiyaların keçirilməsi nəzərdə tutulub.
“Aqrar Gənclik Ayı” layihəsində aqrar inkişaf könüllüləri ilə yanaşı, digər könüllü təşkilatları da iştirak edir.