Hər il may ayının sonuna qədər Azərbaycanda seçici siyahılarının tərtibi və dəqiqləşdirilməsi həyata keçirilir. 
Sumqayit.tv xəbər verir ki, bu barədə Mərkəzi Seçki Komissiyasının (MSK) sədr müavini Rövzət Qasımov məlumat verib.
 
O qeyd edib ki, yerli icra və bələdiyyələrin təqdim etdiyin məlumatlara əsasən, seçici siyahıları dəqiqləşdirilib: 
"Pandemiya dövründə seçici siyahılarının ciddi artımına rəvac verən hallar olub. Belə ki, vətəndaşların ölkədən kənara çıxmasına məhdudiyyət qoyulub. Həmçinin Operativ Qərargahın gördüyü tədbirlər nəticəsində ölkədən kənarda yaşayan vətəndaşlarımızın böyük bir qismi Azərbaycana qayıdıb. Beləliklə, pandemiya dövrü seçicilərin sayına ciddi təsir edib".