İyunda ilansancma ilə əlaqədar 2, sirkədən zəhərlənmə ilə əlaqədar 3, dərman zəhərlənməsi nəticəsində 7 nəfər Bakı şəhər Klinik Tibbi Mərkəzin toksikologiya şöbəsinə müraciət edib.
Sumqayit.tv xəbər verir ki, bu barədə Mərkəzin toksikologiya şöbəsinin baş həkimi Azər Maqsudov bildirib.
Onun sözlərinə görə, may ayı ərzində isə 12 nəfər ilansancma, 70 nəfər dərmandan zəhərlənmə, 21 nəfər sirkədən zəhərlənmə, 3 nəfər botulizm, 3 nəfər anafilaktik şok, 3 nəfər allergik reaksiyalar ilə əlaqədar müalicə alıb.
Baş həkim bildirib ki, sirkə içib zəhərlənən bir nəfərin həyatını xilas etmək mümkün olmayıb.
Ümumilikdə son iki ay ərzində 14 nəfəri ilan sancıb.
6-06-2022, 13:25
256
