Bu ilin ötən dövrü ərzində 106 uşaq övladlığa verilib.

 

Bu barədə Sosial Xidmətlər Agentliyinin İctimaiyyətlə əlaqələr və kommunikasiya şöbəsindən Sumqayit.tv-yə verilən məlumatda bildirilib.

 

Qeyd edilib ki, 2019-cu ilin noyabrın 1-dən sonra 254 uşaq, o cümlədən 131 oğlan, 123 qız övladlığa götürülüb.

 

Rəsmi məlumata görə, yaradılan altsisteminə övladlığagötürmə ilə əlaqədar 2020-ci ildə 157, 2021-ci ildə bundan 2,4 dəfə çox olmaqla 378 müraciət daxil olub.

 

Ümumilikdə indiyədək altsisteminə 691 müraciət daxil olub.

 

Xatırladaq ki, Prezident İlham Əliyevin Fərmanına uyğun olaraq 2019-cu il noyabrın 1-dən övladlığagötürmə sahəsində idarəetmə Əmək və Əhalinin Sosial Müdafiəsi Nazirliyinə həvalə olunub. Bununla əlaqədar “Valideyn-himayəsindən məhrum olmuş uşaqlar və övladlığagötürmə” altsistemi yaradılib, övladlığagötürmə sahəsində idarəetmə təkmilləşdirilərək, bu sahədə yeni müasir idarəetmə mexanizmi yaradılıb, övladlığagötürmə prosesinin əlçatanlığı, operativliyi və şəffaflığı təmin edilib.

 

Xatırladaq ki, 2021-ci ilin əvvəlindən valideyn himayəsindən məhrum olmuş uşağa görə aylıq müavinət təsis edilib. Yeni sosial islahat paketi çərçivəsində həmin müavinət bu ilin əvvəlindən 25 faiz artırılaraq, övladlığa götürülən valideyn himayəsindən məhrum olmuş uşağa görə 160 manatdan 200 manata, sağlamlıq imkanları məhdud uşağa görə 480 manatdan 600 manata çatdırılıb.