Yasamal Rayon Məhkəməsində Vətəndaş və İnkişaf Partiyasının (VİP) həbsdə olan sədri Əli Əliyev barəsində xüsusi ittiham qaydasında verilən şikayət üzrə hökm oxunub.

Sumqayit.tv xəbər verir ki, hökmə əsasən VİP sədri daha 6 ay müddətinə azadlıqdan məhrum edilib.

Proses hakim Rəşad Cavadzadənin sədrliyi ilə keçirilib.

Hökmdə qeyd edilib ki, Əli Əliyevin əvvəlki cəzaları birləşdirilib və ona 1 il azadlıqdan məhrumetmə cəzası təyin olunub.

Xatırladaq ki, Əli Əliyev barəsidnəYAP Binəqədi təşkilatının sabiq sədri Ramiz Göyüşov xüsusi ittiham qaydasında iddia qaldırmışdı.

VİP sədri Əli Əliyev 2021-ci il noyabrın 30-da qəzaya uğrayan DSX-ya məxsus "Mi-17" tipli helikopterdə sağ qalan polkovnik-leytenant Emil Cəfərov və kapitan Ramin Ədilovun xüsusi ittiham qaydasında şikayəti əsasında Cinayət Məcəlləsinin 147.1-ci maddəsinə (böhtan) uyğun həbs olunmuş, ona 6 aylıq cəza kəsilmişdi.