2022-ci ilin payızı üçün ən dəbli ayaqqabılar bəlli olub.
Bu barədə material “Nylon” jurnalının saytında dərc olunub.
Nəşrin yazdığına görə, “Mary Jane” ayaqqabıları ayaq biləyi qayışı ilə daha da aktual olacaq. Qeyd olunur ki, bu ayaqqabılar həm bayram, həm də gündəlik geyimlərlə, o cümlədən cins şalvar və ətəklərlə birləşdirilə bilər.
Bundan əlavə, trend materialı metalı təqlid edən ayaqqabılar, məsələn, çəkmələr və dabanlı sandaletlər olacaq.
Modelyerlərin fikrincə, xəz detallı ayaqqabılar, həmçinin dəri və ya süetdən olan çəkmələr dəbə qayıdacaq.
“Kobud çəkmələrə baxın, onlar aktuallığını itirmir. Retro idman ayaqqabısı da belədir. “Nike”, “Reebok” və “New Balance” brendlərinin idman ayaqqabıları xüsusilə populyar olacaq”, - deyə vurğulanır.
Avqust ayında stilistlər 2022-ci ilin payızı üçün ən dəbli geyim rənglərini sadalayıb. Göy mavisi, krem və çəhrayı çalarlar qarşıdakı mövsümdə məşhurlaşacaq. Bu tonlar müxtəlif şoularda təqdim edilib və çoxlu pərəstişkar qazanıb.
28-08-2022, 22:56
185
.jpg)
