Rusiya və Türkiyə prezidentləri arasında telefon danışığı olub.

Sumqayit.tv xarici KiV-ə istinadən xəbər verir ki, bu barədə Kremlin mətbuat xidməti məlumat yayıb.  

Bildirilir ki, tərəflər telefon danışığı zamanı Ukraynadakı vəziyyəti müzakirə ediblər. Ərdoğan Atom enerjisi üzrə Beynəlxalq Agentliyin Zaporojye AES-ə missiyasının təşkilində Rusiyanın konstruktiv rolunu qeyd edib.

Putin və Ərdoğan Rusiya və Türkiyə arasında ikitərəfli münasibətlərdən də danışıblar və Ərdoğan Mixail Qorbaçovun vəfatı ilə bağlı başsağlığı verib.