Rusiya Federasiyası Prezidentinin köməkçisi Yuri Uşakov Rusiyanın Ukrayna ilə danışıqlara hazır olduğunu açıqlayıb. 
Sumqayit.tv xəbər verir ki, bu barədə o, “SHOT” kanalına açıqlamasında məlumat verib. 
"Rusiya Ukrayna ilə danışıqlara hazırdır, lakin son aylarda Ukrayna tərəfindən Rusiya Federasiyası ilə yeni təmaslar barədə heç bir eyham belə olmayıb", - Uşakov vurğulayıb. 
Xatırladaq ki, bir müddət əvvəl Rusiyanın müdafiə naziri Sergey Şoyqu da lazımi şərait yaradılarsa, Ukrayna ilə bağlı danışıqlara hazır olduqlarını bəyan etmişdi.