19 yanvar 2007-ci ildə "Agos" qəzetinin baş redaktoru Hrant Dinki qəzet binası qarşısında silahlı basqın nəticəsində qətlə yetirən Ogün Samast Bolu həbsxanadan şərti olaraq azadlığa buraxılıb.
Musavat.com xəbər verir ki, Hrant Dinki öldürən zaman Ogün Samastın 17 yaşı var idi. O, qətlin şübhəlisi olaraq 2007-ci il yanvarın 20-də Samsun rayonundakı avtovağzalda tutulub.
2007-ci il yanvarın 24-də həbs edilən Ogün Samast fevralda cəzasını çəkdiyi Kandıra F tipli həbsxanadan Bolu F tipli həbsxanaya köçürülüb.
16 il 10 aydır həbsdə olan Samastın vaxtından 1 il əvvəl yaxşı davranışı səbəbilə şərti azadlığa buraxılması nəzərdə tutulub və o, həbsxana rəhbərliyi tərəfindən sınaq mərhələsindən keçib.
Fərdi inkişafı üçün aparılan müşahidələr zamanı davranışının yaxşı olduğu müşahidə edilən Samastın şərti azadlığa buraxılma şərtlərini yerinə yetirdiyi nəzərə alınaraq azadlığa buraxılmasına qərar verilib. 
O, Bolu F Tipi Həbsxanasından axşam saatlarında sərbəst buraxılıb. Ogün Samast həbsdən çıxarkən ailəsi tərəfindən qarşılanıb. 
Hrant Dink kimdir?
Erməni əsilli jurnalist Hrant Dink 15 sentyabr 1954-cü ildə Türkiyənin Malatya şəhərində anadan olub. O, "Aqos" qəzetinin baş redaktoru idi.
Hrant Dink, qondarma "erməni soyqırımı"nın Türkiyədə tanınması, Türkiyə ermənilərinə daha çox imtiyazlar verilməsi üçün çalışıb.
O, "Aqos" redaksiyasının qarşısında başına və boynuna 3 güllə yarası alması nəticəsində hadisə yerində ölüb. Dinkin cəsədinin yanından 4 boş patron tapılıb. 
 
Musavat.com