Ermənilər tərəfindən Azərbaycan ərazilərinin dağıdılması kütləvi şəkildə baş verirdi.
Sumqayit.tv Trend-ə istinadən xəbər verir ki, bunu tədqiqatçı Maksim Quin "Ermənistandan didərgin salınmış azərbaycanlıların təhlükəsiz və ləyaqətlə qayıdışını təmin etmək: Qlobal məzmun və ədalətli həll" mövzusunda beynəlxalq konfransda çıxışı zamanı deyib.
"1918-ci ildə minlərlə azərbaycanlı qətlı yetirildi. Bu qətllərin arxasında ermənilər dayanırdı. Bütün bunlar ermənilərin ərazi ambisiyaları uğrunda idi. O torpaqlarda ermənilərdən çox azərbaycanlılar olub. Çünki həmin ərazilər Azərbaycana məxsus idi. Ermənilərin düşüncə tərzi ondan ibarət idi ki, ölkədə müsəlman qalmasın və bu səpkidə hərəkət edirdilər", - deyə o bildirib.
Qeyd edək ki, "Ermənistandan didərgin salınmış azərbaycanlıların təhlükəsiz və ləyaqətlə qayıdışını təmin etmək: Qlobal məzmun və ədalətli həll" mövzusunda beynəlxalq konfrans keçirilir. Tədbirdə 30 ölkədən 100-dən çox qonaq iştirak edir.
Konfrans Ermənistandan azərbaycanlıların qovulması, beynəlxalq aləmdə köçkünlük problemi, beynəlxalq hüquqda qayıdış məsələsi, praktikada qayıdış sahəsində çətinliklər və uğurlar, müxtəlif regionlarda bu sahədə vəziyyət kimi məsələlərə dair tanınmış beynəlxalq ekspertlər və ictimai-siyasi xadimlərin iştirakı ilə panel müzakirələri formasında öz işini davam edəcək.